എക്സ്: പാസ്റ്റ് ഈസ്‌ പ്രെസന്റ് (X: Past is Present ,2015, Hindi)
മധ്യവയസ്കനായ ഒരു ഓഫ്-ബീറ്റ് ചലച്ചിത്രസംവിധായകന്‍ ഒരു പാര്‍ട്ടിയില്‍വെച്ച് ഒരു പെണ്‍കുട്ടിയെ കണ്ടുമുട്ടുന്നു. അവര്‍ ഒരുമിച്ച് സമയം ചെലവഴിക്കുന്നു, ആ സമയമൊക്കെയും അയാളുടെ ജീവിതത്തിലൂടെ കടന്നുപോയ പല സ്ത്രീകളുടെയും നോണ്‍-ലീനിയര്‍ ആയ ഓര്‍മ്മകള്‍ ആ പെണ്‍കുട്ടി അയാളില്‍ ഉണര്‍ത്തുന്നു. ഇതാണ് എക്സ്: പാസ്റ്റ് ഈസ്‌ പ്രെസന്റ്. വളരെ uneven ആയ മേക്കിംഗ്. ചില രംഗങ്ങള്‍ വളരെ രസകരമായി തോന്നുമ്പോള്‍ മറ്റുപല രംഗങ്ങളും വല്ലാതെ pretentious ആയിത്തോന്നി. ഒടുക്കം സിനിമ കഴിഞ്ഞപ്പോഴല്ലേ മനസ്സിലായത്. പതിനൊന്ന് \സംവിധായകര്‍ ചേര്‍ന്നാണ് ചിത്രം ഒരുക്കിയിരിക്കുന്നത്. ഒരു കഥാപാത്രത്തിന്റെ ജീവിതത്തിലെ പല ഭാഗങ്ങളും രചിച്ച് സംവിധാനം ചെയ്ത് പലരും ചേര്‍ന്ന്. രജത് കപൂര്‍, അന്‍ഷുമന്‍ ഝാ, ദേവ് സാഗൂ, രണ്‍ദീപ് ബോസ് എന്നിവര്‍ ആണ് സംവിധായകനായ 'കെ'യുടെ വിവിധഘട്ടങ്ങളെ അവതരിപ്പിച്ചത്. നായികമാരായി രാധികാ ആപ്തെ, റി സെന്‍, സ്വരാ ഭാസ്കര്‍, പര്‍ണോ മിത്ര, ഹുമാ ഖുറേഷി, പിയാ ബാജ്പേയി തുടങ്ങിയവര്‍ കെയുടെ ജീവിതത്തിലൂടെ കടന്നുപോയ സ്ത്രീകളുടെ വേഷങ്ങള്‍ അവതരിപ്പിച്ചു.
ഒരു പരീക്ഷണചിത്രമാണെങ്കിലും ഒരുവിധം entertaining ആയിട്ടുതന്നെയാണ് ചിത്രം ഒരുക്കപ്പെട്ടിരിക്കുന്നത്. ഒരുപാട് ഇഷ്ടമായ സീക്വന്‍സുകള്‍ ഒരുക്കിയത് രാജശ്രീ ഓഝ (അയ്‌ഷ), പ്രതിം. ഡി ഗുപ്ത, ക്യു (ഗാണ്ടു ദ ലൂസര്‍), നളന്‍ കുമാരസ്വാമി (സൂധുകവും) തുടങ്ങിയവരുടെ ആണ്. ആരണ്യകാണ്ഡത്തിന്റെ സംവിധായകന്‍ ത്യാഗരാജന്‍ കുമാരരാജ രചിച്ച് നളന്‍ കുമാരസ്വാമി സംവിധാനം ചെയ്ത ചിത്രത്തിന്റെ അവസാനഭാഗം ഏറെ ത്രില്ലിംഗ് ആയിരുന്നു. ചിത്രത്തില്‍ പല ഘട്ടങ്ങളിലും നായകന്‍റെ perspectiveല്‍ നിന്ന് കാണിക്കുന്ന രംഗങ്ങള്‍ ആയതുകൊണ്ട് നായകകഥാപാത്രത്തെ സ്ക്രീനില്‍ കാണാനേ സാധിക്കില്ല. പല ചിത്രങ്ങളിലും ഈ രീതി ദൈര്‍ഘ്യം കുറഞ്ഞ ഷോട്ടുകളില്‍ ഉപയോഗിച്ചുകണ്ടിട്ടുണ്ടെങ്കിലും കൂടുതല്‍ നേരം ഇങ്ങനെ കാണുന്നത് ആദ്യമായിട്ടാണ്.
പതിനൊന്ന് സംവിധായകരുടെ വേറിട്ട ചിന്താഗതികളെ സംഗമിപ്പിച്ച് വെട്ടിക്കൂട്ടിയ എഡിറ്റര്‍മാരുടെ കഴിവ് പ്രശംസനീയമാണ്. സാങ്കേതികപരമായി ചിത്രം ഏതാണ്ട് ഒരേ നിലവാരംതന്നെയാണ് പുലര്‍ത്തിയത്. ഒരു പരീക്ഷണചിത്രം എന്നനിലയില്‍ രസിച്ച് കണ്ടിരിക്കാവുന്ന ഒരു ചിത്രമാണ് എക്സ്: പാസ്റ്റ് ഈസ്‌ പ്രെസന്റ്. കാണാന്‍ ശ്രമിക്കുക.
മധ്യവയസ്കനായ ഒരു ഓഫ്-ബീറ്റ് ചലച്ചിത്രസംവിധായകന്‍ ഒരു പാര്‍ട്ടിയില്‍വെച്ച് ഒരു പെണ്‍കുട്ടിയെ കണ്ടുമുട്ടുന്നു. അവര്‍ ഒരുമിച്ച് സമയം ചെലവഴിക്കുന്നു, ആ സമയമൊക്കെയും അയാളുടെ ജീവിതത്തിലൂടെ കടന്നുപോയ പല സ്ത്രീകളുടെയും നോണ്‍-ലീനിയര്‍ ആയ ഓര്‍മ്മകള്‍ ആ പെണ്‍കുട്ടി അയാളില്‍ ഉണര്‍ത്തുന്നു. ഇതാണ് എക്സ്: പാസ്റ്റ് ഈസ്‌ പ്രെസന്റ്. വളരെ uneven ആയ മേക്കിംഗ്. ചില രംഗങ്ങള്‍ വളരെ രസകരമായി തോന്നുമ്പോള്‍ മറ്റുപല രംഗങ്ങളും വല്ലാതെ pretentious ആയിത്തോന്നി. ഒടുക്കം സിനിമ കഴിഞ്ഞപ്പോഴല്ലേ മനസ്സിലായത്. പതിനൊന്ന് \സംവിധായകര്‍ ചേര്‍ന്നാണ് ചിത്രം ഒരുക്കിയിരിക്കുന്നത്. ഒരു കഥാപാത്രത്തിന്റെ ജീവിതത്തിലെ പല ഭാഗങ്ങളും രചിച്ച് സംവിധാനം ചെയ്ത് പലരും ചേര്‍ന്ന്. രജത് കപൂര്‍, അന്‍ഷുമന്‍ ഝാ, ദേവ് സാഗൂ, രണ്‍ദീപ് ബോസ് എന്നിവര്‍ ആണ് സംവിധായകനായ 'കെ'യുടെ വിവിധഘട്ടങ്ങളെ അവതരിപ്പിച്ചത്. നായികമാരായി രാധികാ ആപ്തെ, റി സെന്‍, സ്വരാ ഭാസ്കര്‍, പര്‍ണോ മിത്ര, ഹുമാ ഖുറേഷി, പിയാ ബാജ്പേയി തുടങ്ങിയവര്‍ കെയുടെ ജീവിതത്തിലൂടെ കടന്നുപോയ സ്ത്രീകളുടെ വേഷങ്ങള്‍ അവതരിപ്പിച്ചു.
പതിനൊന്ന് സംവിധായകരുടെ വേറിട്ട ചിന്താഗതികളെ സംഗമിപ്പിച്ച് വെട്ടിക്കൂട്ടിയ എഡിറ്റര്‍മാരുടെ കഴിവ് പ്രശംസനീയമാണ്. സാങ്കേതികപരമായി ചിത്രം ഏതാണ്ട് ഒരേ നിലവാരംതന്നെയാണ് പുലര്‍ത്തിയത്. ഒരു പരീക്ഷണചിത്രം എന്നനിലയില്‍ രസിച്ച് കണ്ടിരിക്കാവുന്ന ഒരു ചിത്രമാണ് എക്സ്: പാസ്റ്റ് ഈസ്‌ പ്രെസന്റ്. കാണാന്‍ ശ്രമിക്കുക.
No comments:
Post a Comment