Kiki's Delivery Service 2014 Movie Review

കിക്കീസ് ഡെലിവറി സര്‍വീസ് (Kiki's Delivery Service, 2014, Japanese)
ഇതേ പേരിലുള്ള ജാപ്പനീസ് നോവലിനേയും ഗ്രേവ്‌ ഓഫ് ഫയര്‍ഫ്ലൈസ്, സ്പിരിറ്റഡ് എവേ തുടങ്ങിയ ചിത്രങ്ങളുടെ സംവിധായകന്‍ ചെയ്ത animated ചിത്രത്തെയും ആസ്പദമാക്കി നിര്‍മിച്ച ലൈവ് ആക്ഷന്‍ ചിത്രമാണ് കിക്കീസ് ഡെലിവറി സര്‍വീസ്. ഗ്രഡ്ജ് ചിത്രങ്ങള്‍, റിന്നെ തുടങ്ങിയ സൂപ്പര്‍ഹിറ്റ് ഹൊറര്‍ ചിത്രങ്ങളുടെ സംവിധായകനായ തകാഷി ഷിമിസു ആണ് ഈ ചിത്രം സംവിധാനം ചെയ്തിരിക്കുന്നത്.
സ്വന്തം അമ്മയെപ്പോലെ മന്ത്രവാദിനിയാകണം എന്ന ആഗ്രഹവുമായി നടക്കുന്ന കുട്ടിയാണ് കിക്കി. കിക്കിയുടെ ഒരേയൊരു സുഹൃത്ത് കിക്കിയോട് സംസാരിക്കാന്‍ കഴിയുന്ന ജിജി എന്ന കരിമ്പൂച്ചയാണ്. മന്ത്രവാദിനികളെപ്പോലെ ചൂലില്‍ കയറിയിരുന്നു പറക്കാനുള്ള കഴിവ് മാത്രമാണ് കിക്കിക്ക് ഉള്ളത്. കൂടുതല്‍ മന്ത്രങ്ങളും മായാജാലങ്ങളും പഠിക്കണമെങ്കില്‍ ഒരുവര്‍ഷം മറ്റൊരു ഗ്രാമത്തില്‍ പോയി അവിടെയുള്ളവരെ സഹായിച്ച് ജീവിക്കണം എന്ന അമ്മയുടെ നിര്‍ദേശപ്രകാരം പതിമൂന്നുകാരിയായ കിക്കിയും സുഹൃത്ത് ജിജിയും ചേര്‍ന്ന് ഒരു കടലോരഗ്രാമത്തിലേക്ക് യാത്രപോവുന്നതും, തുടര്‍ന്നുണ്ടാവുന്ന സംഭവങ്ങളുമാണ് ചിത്രത്തിലൂടെ സംവിധായകന്‍ പറയുന്നത്.
നല്ലൊരു ഫാന്റസി ചിത്രമാണ് കിക്കി. ഒരു പുഞ്ചിരിയോടെ കണ്ടിരിക്കാവുന്ന ഒരു ചിത്രം. നമ്മുടെ കണ്ണുനനയിപ്പിക്കുന്നതും, ഉള്ളുനിറയ്ക്കുന്നതുമായ പല രംഗങ്ങളും ചിത്രത്തിലുണ്ട്. ഈ ഫീല്‍ ഗുഡ് ചിത്രത്തിന്റെ മുഖ്യാകര്‍ഷണങ്ങള്‍ കിക്കിയായി അഭിനയിച്ച കുട്ടിയുടെ മികവാര്‍ന്ന പ്രകടനവും ദൃശ്യചാരുതയേറിയ രംഗങ്ങളുമാണ്. മിഴിവുറ്റ ഫ്രെയിംസ് ചിത്രത്തിലുടനീളം ഉള്‍ക്കൊള്ളിക്കാന്‍ സംവിധായകനും ഛായാഗ്രാഹകനും നന്നായി ശ്രദ്ധിച്ചിട്ടുണ്ട്. അതിന്റെ ഫലം ചിത്രത്തില്‍ കാണാനുമുണ്ട്. പശ്ചാത്തലസംഗീതവും, മറ്റുനടീനടന്മാരുടെ പ്രകടനങ്ങളും സിനിമയോട് യോജിച്ചുനിന്നു. എന്നിരുന്നാലും, ഇതിന്റെ animated വേര്‍ഷന്റെ അത്രയ്ക്ക് മികവുപുലര്‍ത്താന്‍ ഇതിന് സാധിച്ചിട്ടില്ല എന്നാണ് പലരും പറഞ്ഞുകേട്ടത്. Animated വേര്‍ഷന്‍ ഞാന്‍ കണ്ടിട്ടില്ല, എന്തായാലും ഈ ചിത്രം എനിക്ക് നന്നായി ഇഷ്ടപ്പെട്ടു. ഫാന്റസി ഫീല്‍ ഗുഡ് ചിത്രങ്ങള്‍ കാണാന്‍ ഇഷ്ടപ്പെടുന്നവര്‍ കാണാന്‍ ശ്രമിക്കുക.

Mastram Movie Review

മസ്ത്റാം (Mastram, 2014, Hindi)
ഇന്റര്‍നെറ്റിലൂടെ ആവശ്യത്തിനും അനാവശ്യത്തിനും porn സുലഭ്യമായ ഈ കാലഘട്ടത്തില്‍ 'കൊച്ചുപുസ്തകങ്ങള്‍' എന്നപേരില്‍ അറിയപ്പെട്ടിരുന്ന softporn novels, magazines എന്നിവയ്ക്ക് പ്രസക്തി ഇല്ലായിരിക്കാം, എന്നാല്‍ ഇതായിരുന്നിരിക്കില്ല ഇരുപത്തഞ്ചോ മുപ്പതോ വര്‍ഷം മുന്‍പത്തെ അവസ്ഥ. വീഡിയോ കാസറ്റുകള്‍ പോലും സാധാരണക്കാരന് കിട്ടാക്കനി ആയിരുന്ന കാലത്ത് ഇത്തരം ചോദനകളെ ശമിപ്പിക്കാനുള്ള ഏക ഉപായം ഇത്തരം പുസ്തകങ്ങളായിരുന്നു. അങ്ങനെ ഹിന്ദി ഭാഷയില്‍ എഴുതപ്പെട്ട ഒരു series of books ആണ് മസ്ത്റാം സീരീസ്. മനോഹരമായ ശൈലിയും മികവുറ്റ രചനയും കയ്യടക്കമുള്ള വിവരണവും മൂലം ഇത്തരം പുസ്തകങ്ങള്‍ക്കിടയില്‍ ഉയര്‍ന്ന സ്ഥാനം തന്നെയായിരുന്നു മസ്ത്റാം പുസ്തകങ്ങള്‍ക്ക് ഉണ്ടായിരുന്നത് എന്നാണ് കേട്ടറിവ്. ഈ പുസ്തകങ്ങളുടെ രചയിതാവ്/രചയിതാക്കളെയോ പ്രസാധകരെയോ ഇതുവരെ കണ്ടെത്താനായിട്ടില്ല എന്നതാണ് മറ്റൊരു പ്രത്യേകത. ഇന്നും മസ്ത്റാം പുസ്തകങ്ങള്‍ നോര്‍ത്ത് ഇന്ത്യയിലെ ചെറിയ പല പുസ്തകശാലകളിലും ലഭ്യമാണത്രേ.
മസ്ത്റാം സീരീസിന്റെ രചയിതാവിനെക്കുറിച്ചുള്ള ഒരു സാങ്കല്പ്പികചിത്രമാണ് മസ്ത്റാം. ഈ പുസ്തകങ്ങളുടെ തുടക്കം ഇങ്ങനെയായിരിക്കാം എന്ന സംവിധായകന്റെ ഭാവന മാത്രമാണീ ചിത്രം, ഒരിക്കലും ഒരു ജീവചരിത്രം അല്ല. സാങ്കല്‍പ്പികജീവചരിത്രം എന്നൊക്കെ പറയാം വേണമെങ്കില്‍. എഴുത്തുകാരനാകണമെന്ന മോഹവുമായി ജീവിക്കുന്ന ഒരു ബാങ്ക് ഉദ്യോഗസ്ഥനായ രാജാറാം ഒരിക്കല്‍ ഒരു പ്രത്യേകസാഹചര്യത്തില്‍ erotica എഴുതാന്‍ തുടങ്ങുകയും അത് ഇഷ്ടപ്പെട്ട പ്രസാധകര്‍ അത് പ്രസിദ്ധീകരിക്കുകയും, അത് ജനങ്ങള്‍ക്കിടയില്‍ ഒരു തരംഗമാവുകയും, തുടര്‍ന്നുണ്ടാവുന്ന സംഭവങ്ങളും ഒക്കെയാണ് ചിത്രത്തില്‍ പറഞ്ഞിരിക്കുന്നത്. ഗാങ്ങ്സ് ഓഫ് വാസേപുര്‍ന്റെ രചന നിര്‍വഹിച്ച അഖിലേഷ് ജൈസ്വാള്‍ ആണ് ഈ ചിത്രത്തിന്റെ രചനയും സംവിധാനവും നിര്‍വഹിച്ചിരിക്കുന്നത്. പുതുമുഖസംവിധായകന്‍ എന്ന് തോന്നിപ്പിക്കാത്ത വിധം, പലയിടങ്ങളിലും പാളിപ്പോയേക്കാമായിരുന്ന ചിത്രത്തെ കയ്യടക്കത്തോടെതന്നെ ഇദ്ദേഹം മുന്നോട്ടുകൊണ്ടുപോയിരിക്കുന്നു. നായകനായ രാഹുല്‍ ബഗ്ഗയും മറ്റ് നടീനടന്മാരും അവരവരുടെ വേഷങ്ങള്‍ ഭംഗിയാക്കി. നൂറുമിനിറ്റിലും താഴെമാത്രമുള്ള ഈ ചിത്രത്തെ ഒരു ക്ലാസിക് എന്നൊന്നും വിളിക്കാനാവില്ലെങ്കിലും ഒരു കാലഘട്ടത്തിന്റെ ഓര്‍മ്മക്കുറിപ്പുകള്‍ എന്നനിലയില്‍ കാണാവുന്ന ഒരു ചിത്രം തന്നെയാണ് ഇത്. ഡിവിഡി ഇറങ്ങുമ്പോള്‍ കാണാന്‍ ശ്രമിക്കുക.

Ugly Movie Review

അഗ്ലി (Ugly, 2014, Hindi)
അനുരാഗ് കശ്യപിന്റെ ഏറ്റവും പുതിയ ചിത്രമാണ് അഗ്ലി. ബോംബെ നഗരത്തില്‍ ഒരു ദിവസം ഒരു കുട്ടിയെ കാണാതെയാവുന്നതും, തുടര്‍ന്നുനടക്കുന്ന സംഭവങ്ങളുമാണ് അഗ്ലിയിലൂടെ പ്രേക്ഷകര്‍ക്ക് സംവിധായകന്‍ കാണിച്ചുതരുന്നത്. നല്ല ത്രില്ലിംഗ് ആയ ഒരു ആദ്യപകുതിക്കുശേഷം കുറേശ്ശെ ലാഗ്ഗിംഗ് ആയ രണ്ടാം പകുതിയും, ഷോക്കിംഗ് ആയ ഒരു അവസാനവുമാണ് അഗ്ലിക്കുള്ളത്. Second half syndrome ചെറുതായി ബാധിച്ചിട്ടുണ്ടെങ്കിലും നല്ലൊരു ചിത്രം തന്നെയാണ് അഗ്ലി. അനുരാഗ് കശ്യപിന്റെ കയ്യൊപ്പ് ഓരോ സീനിലും കാണാന്‍ സാധിക്കും. പല സീന്‍സും കണ്ടാല്‍ ഞെട്ടിപ്പോകും, ആദ്യപകുതിയിലെ ഒരു chase scene, പിന്നെ പോലീസ് സ്റ്റേഷനിലെ ചോദ്യം ചെയ്യുന്ന ഒരു സീന്‍, ഹോട്ടലില്‍ പോയി മദ്യം order ചെയ്യുന്ന സീന്‍, ഇതൊക്കെ അന്യായ സീനുകളാണ്. ക്ലൈമാക്സ് അത്ര പോര എന്ന് പലരും പറഞ്ഞുകേട്ടെങ്കിലും എനിക്ക് ഇഷ്ടപ്പെട്ടു. അനുരാഗ് കശ്യപിന്റെ സ്ഥിരം ഛായാഗ്രാഹകനായ രാജീവ് രവിക്ക് പകരം ഇത്തവണ താരതമ്യേന പുതുമുഖമായ Nikos Andritsakis ആണ് ഛായാഗ്രഹണം നിര്‍വഹിച്ചിരിക്കുന്നത്. ബോംബെയുടെ വിവിധവര്‍ണ്ണങ്ങള്‍ നല്ലരീതിയില്‍ത്തന്നെ പകര്‍ത്താന്‍ അദ്ദേഹത്തിന് കഴിഞ്ഞിട്ടുണ്ട്.
രാജീവ്‌ രവിയ്ക്ക് നന്ദിപറഞ്ഞുകൊണ്ടാണ് ചിത്രം ആരംഭിക്കുന്നത്. ചില രംഗങ്ങള്‍ കാണുമ്പോള്‍ അദ്ദേഹത്തിന്റെ 'സ്ക്രിപ്റ്റ് നോക്കാതെ ചെയ്യുന്ന സിനിമ' എന്ന കണ്സപ്റ്റ് അനുരാഗും ഉപയോഗിച്ചിരിക്കുന്നതായി തോന്നും. ഈ ആശയത്തോട് പൂര്‍ണമായി യോജിക്കുന്ന ഒരാളാണ് ഞാന്‍. സന്ദര്‍ഭം അഭിനയിക്കുന്നവര്‍ക്ക് പറഞ്ഞുകൊടുക്കുകയും, അവരെ ആ സന്ദര്‍ഭത്തിലേക്ക് പറഞ്ഞയച്ച് അവരുടെതായ രീതിയില്‍ behave ചെയ്യാന്‍ പറയുകയും ചെയ്‌താല്‍ വളരെ സ്വാഭാവികമായ രംഗങ്ങള്‍ കിട്ടും എന്നാണ് അഗ്ലി കണ്ടപ്പോള്‍ തോന്നിയത്.
അഭിനേതാക്കള്‍ എല്ലാവരും നല്ലപ്രകടനം കാഴ്ചവെച്ചു. രോനിത് റോയ് പംഖിലൂടെയും ഉഡാനിലൂടെയും ഒക്കെ ഞെട്ടിച്ചിട്ടുള്ളതുകൊണ്ട് ഇതിലെ supreme performance കണ്ടിട്ടും ഞെട്ടല്‍ ഒന്നും ഉണ്ടായില്ല. പക്ഷേ ശരിക്കും ഞെട്ടിച്ചുകളഞ്ഞത് രാഹുല്‍ എന്ന കഥാപാത്രത്തെ അവതരിപ്പിച്ച രാഹുല്‍ ഭട്ട് ആണ്. പത്തുപന്ത്രണ്ട് കൊല്ലം മുന്‍പ് ഒന്നുരണ്ട് flop romantic comediesല്‍ മാത്രം അഭിനയിച്ച ഇങ്ങേരെ റീലോഞ്ച് ചെയ്ത് അനുരാഗ് തന്റെ തീരുമാനം നൂറുശതമാനം ശരിയാണെന്ന് തെളിയിച്ചു. കിടിലം പ്രകടനമായിരുന്നു ഇങ്ങേര്‍ കാഴ്ചവെച്ചത്. നല്ലൊരു സ്വഭാവനടനെക്കൂടി നമുക്ക് കിട്ടി എന്ന് ഉറപ്പിച്ചുപറയാം. മറ്റുനടീനടന്മാര്‍ എല്ലാവരും തങ്ങളുടെ വേഷങ്ങള്‍ ഭംഗിയാക്കി. വിനീത് സിങ്ങിന്റെയും തേജസ്വിനി കോലാപ്പുരിയുടെയും പ്രകടനങ്ങള്‍ മികച്ചുനിന്നു. ജി.വി. പ്രകാശ് കുമാറിന്റെ ഗാനങ്ങളും പശ്ചാത്തലസംഗീതവും ചിത്രത്തിന്റെ മൂഡിനോട്‌ ചേര്‍ന്നുപോയി.
ഈ വര്‍ഷം റിലീസായ നല്ലൊരു ത്രില്ലര്‍ തന്നെയാണ് ചിത്രം. ത്രില്ലര്‍ എന്നതിലുപരി പല മനുഷ്യരുടെ ഉള്ളിലെ വികാരങ്ങളുടെ ഒരു നേര്‍ക്കാഴ്ചകൂടിയാണ് ഇത്. കാണാന്‍ ശ്രമിക്കുക.
പി.എസ്: അലിയാ ഭട്ടിന്റെ രണ്ടുസെക്കന്റ് cameo ഉണ്ട് ചിത്രത്തില്‍. സൂക്ഷിച്ചുനോക്കിയാലേ കാണൂ.

The Lovely Bones Movie Review

ദ ലവ്ലി ബോണ്‍സ് (The Lovely Bones, 2009, English)
ആലീസ് സെബോള്‍ഡ് രചിച്ച ഇതേ പേരിലുള്ള നോവലിനെ ആസ്പദമാക്കി ലോര്‍ഡ്‌ ഓഫ് ദ റിങ്ങ്സ്-ഹോബിറ്റ് സീരീസിന്റെയും മറ്റും സംവിധായകന്‍ പീറ്റര്‍ ജാക്സന്‍ സംവിധാനം ചെയ്ത ചിത്രമാണ് ലവ്ലി ബോണ്‍സ്. സൂസി സാല്‍മണ്‍ എന്ന പതിനാലുവയസ്സുള്ള കുട്ടിയുടെ ആഖ്യാനത്തിലൂടെ മുന്നോട്ടുപോകുന്ന ചിത്രം 1970കളില്‍ നടക്കുന്ന ഒരു കൊലപാതകവും, അതേത്തുടര്‍ന്നുണ്ടാവുന്ന സംഭവങ്ങളും ഒക്കെയാണ് പ്രേക്ഷകര്‍ക്കുമുന്നില്‍ കാണിച്ചുതരുന്നത്. emotionally brilliant ആയ ഒരു സ്ക്രിപ്റ്റ് നല്ലൊരു സംവിധായകന്‍ മികച്ചരീതിയില്‍ perform ചെയ്യുന്ന അഭിനേതാക്കളെ വെച്ച് technically brilliant ആയ ഒരു ക്രൂവിനോടൊപ്പം ഒരു സിനിമയാക്കിയാല്‍ എങ്ങനെയിരിക്കും? അതുതന്നെയാണ് ഈ ചിത്രം. മനോഹരമായ, നമ്മുടെ മനസ്സില്‍ തട്ടുന്ന ഒന്ന്. visuals, performances എല്ലാം അതിഗംഭീരം. കാണാന്‍ ശ്രമിക്കുക.

Lake Mungo Movie Review

ലേക്ക് മുംഗോ (Lake Mungo, 2008, English)
ഒരു ഓസ്ട്രേലിയന്‍ മോക്യുമെന്‍ററി ചിത്രമാണ് ലേക്ക് മുംഗോ. കുടുംബത്തോടൊപ്പം ഒരു യാത്രയ്ക്കുപോകുന്ന ആലീസ് എന്ന പതിനാറുവയസ്സുകാരി മുങ്ങിമരിക്കുന്നു. അതിനുശേഷം അവരുടെ കുടുംബത്തിലും വീടിന്റെ പരിസരപ്രദേശങ്ങളിലും സംഭവിക്കുന്ന supernatural/paranormal events ആണ് സിനിമയിലൂടെ സംവിധായകന്‍ പ്രേക്ഷകരോട് പറയുന്നത്. ഹൊറര്‍, സൈക്കോളജിക്കല്‍ ത്രില്ലര്‍ തുടങ്ങിയ വിഭാഗങ്ങളില്‍ പെടുത്താവുന്ന ചിത്രം ഫിക്ഷന്‍ ആണെങ്കില്‍ക്കൂടി ഒരു ഡോകുമെന്ററി ശൈലിയാണ് കഥപറയാന്‍ സംവിധായകന്‍ ഉപയോഗിച്ചിരിക്കുന്നത്. സ്ഥിരം ഇംഗ്ലീഷ് ഹൊറര്‍ ക്ലീഷേകളില്‍ നിന്നുമാറിക്കൊണ്ടുള്ള ഒരു നല്ല ഹൊറര്‍ ചിത്രം കാണാന്‍ ആഗ്രഹമുള്ളവര്‍ തീര്‍ച്ചയായും കാണാന്‍ ശ്രമിക്കുക. ഇഷ്ടപ്പെടും.

Kya Dilli Kya Lahore Movie Review

ക്യാ ദില്ലി ക്യാ ലാഹോര്‍ (Kya Dilli Kya Lahore, 2014, Hindi)
വെടിയും പുകയും പിന്നെ കുറേ ദേശസ്നേഹവും കൂട്ടിക്കുഴച്ച പതിവ് യുദ്ധസിനിമകളില്‍നിന്ന് ഒരു വ്യതിചലനമായിരുന്നു ബോളിവുഡ് നടന്‍ വിജയ്‌ രാസ് ആദ്യമായി സംവിധായകന്റെ മേലങ്കിയണിഞ്ഞ ഈ ചിത്രം. ഇന്ത്യയിലെ പട്ടാളക്കാരെ ദേശസ്നേഹത്തില്‍ മുക്കി വറുത്തെടുത്ത വീരസിംഹങ്ങളായും പാക്കിസ്ഥാനിലെ പട്ടാളക്കാരെ താടിവെച്ച ചതിയുടെ പ്രതിരൂപങ്ങളായും portray ചെയ്യുന്നതിനുപകരം അവരെ സാധാരണമനുഷ്യരായി കാണിച്ചു എന്നതുതന്നെയാണ് ചിത്രത്തിന്റെ സവിശേഷതകളില്‍ ഒന്ന്. സ്വന്തം കുടുംബത്തെ സ്നേഹിക്കുന്ന, വേദനിച്ചാല്‍ കരയുന്ന, ഉള്ളിന്റെ ഉള്ളില്‍ സ്വരാജ്യത്തെക്കാളും സഹജീവികളെ സ്നേഹിക്കുന്ന രണ്ടുപട്ടാളക്കാരെ നമുക്ക് ഇതില്‍ കാണാന്‍ കഴിയും.
വിഭജനത്തിനുശേഷം അതിര്‍ത്തിയില്‍ നടന്ന ഒരു ആക്രമണത്തില്‍ പാകിസ്ഥാനി സേനയ്ക്ക് കാര്യമായ നഷ്ടം ഉണ്ടാവുകയും അവിടത്തെ ഒരു ഓഫീസര്‍ തന്റെ കീഴ്ജീവനക്കാരനായ റഹ്മത്ത് അലിയെ വെള്ളം കൊണ്ടുവരാന്‍ വേണ്ടി തൊട്ടടുത്തുള്ള ഇന്ത്യയിലേക്ക് നിര്‍ബന്ധിച്ച് അയക്കുകയും, അവിടെനിന്ന് ഒരു ഇന്ത്യന്‍ പട്ടാളക്കാരനും റഹ്മത്ത് അലിയും തമ്മില്‍ ഒരു ബന്ധം ഉരുത്തിരിയുകയും ചെയ്യുന്നതാണ് കഥയുടെ പശ്ചാത്തലം.. ചിത്രത്തിന്റെ സംവിധായകനായ വിജയ്‌ രാസും രചന നിര്‍വഹിച്ച മനു ഋഷിയുമാണ്‌ മുഖ്യകഥാപാത്രങ്ങളെ അവതരിപ്പിച്ചിരിക്കുന്നത്. മികവുറ്റ സംവിധാനവും തിരക്കഥയും ഈ ചിത്രത്തെ സമീപകാലത്തിറങ്ങിയ ഏറ്റവും മികച്ച ചിത്രങ്ങളില്‍ ഒന്നാക്കി മാറ്റുന്നു. ഒരു യുദ്ധചിത്രം എന്നതിലുപരി വളരെ നല്ലരീതിയില്‍ വിഭജനം സമൂഹത്തില്‍ ഉണ്ടാക്കിയ സ്വാധീനത്തിന്റെയും മാനുഷികബന്ധങ്ങളുടെയും കഥ പറയുന്ന ഒരു നല്ല ചിത്രമായി ഇതിനെ കണക്കാക്കാം. കാണാന്‍ ശ്രമിക്കുക.

Dolphins Movie Review

ഡോള്‍ഫിന്‍സ് (Dolphins, 2014, Malayalam)
വളരെയേറെ കാത്തിരുന്നുകണ്ട ഒരു ചിത്രമായിരുന്നു ഡോള്‍ഫിന്‍സ്.. സുരേഷ് ഗോപിയുടെ നല്ല രസമുള്ള ഒരു ചിത്രം പ്രതീക്ഷിച്ചിട്ടാണ് പടത്തിനുപോയത്. ആ പ്രതീക്ഷ തെറ്റിക്കാതെ, നല്ല രീതിയില്‍ രസിപ്പിക്കുകയും അതുപോലെത്തന്നെ മനസ്സും കണ്ണും നിറയ്ക്കുകയും ചെയ്ത ഒരു അനുഭവമായി ഈ ചിത്രം. 
ജോണര്‍ മിക്സിംഗ്.. മലയാളത്തില്‍ അധികമൊന്നും പരീക്ഷിച്ചിട്ടില്ലാത്ത ഈ പരിപാടി അനൂപ്‌ മേനോനും ദീഫനും ചേര്‍ന്ന് കുളമാക്കാതെ ചെയ്ത് എന്നുവേണം പറയാന്‍. ഒരു പ്രത്യേക മൂഡ്‌ ആണ് ചിത്രം തരുന്നത്.. ആ ബാറില്‍ ഇരുന്ന് അവരുടെ കഥ കേള്‍ക്കുന്നപോലെയൊക്കെ ഒരു ഫീല്‍.. ഒരുപക്ഷേ ആ ഫീല്‍ ഉള്‍ക്കൊള്ളാന്‍ സാധിക്കാത്തവര്‍ക്ക് പടം ഒരു മികച്ച അനുഭവം ആകണമെന്നില്ല. എന്തിരുന്നാലും മനസ്സുകൊണ്ട് ഡോള്‍ഫിന്‍ ബാറിലെ ഒരു ടേബിളില്‍ ഒരുഗ്ലാസ് നാരങ്ങവെള്ളം നുണഞ്ഞുകൊണ്ട്, പനയമുട്ടം സുരയും സുഹൃത്തുക്കളും വെടിപറയുന്നതും സുര മൃദുലയ്ക്ക് ഫോണ്‍ ചെയ്യുന്നതും അനൂപ്‌ മേനോന്‍ പാട്ടുകള്‍ പാടുന്നതും എല്ലാം നേരില്‍ ആസ്വദിച്ച ഒരു പ്രതീതി ആയിരുന്നു ചിത്രം കണ്ടപ്പോള്‍. ക്ലൈമാക്സിനെക്കുറിച്ച് കൂടുതലൊന്നും പറയാനില്ല. വല്ലാത്തൊരു വിങ്ങലായിരുന്നു ആ ക്ലൈമാക്സ്. കണ്ണുകള്‍ നിറഞ്ഞൊഴുകുന്ന അവസ്ഥ...
പനയമുട്ടം സുരബാലന്‍.. സുരേഷ് ഗോപി തിരുവനന്തപുരം ഭാഷയുടെ മേമ്പൊടിയോടെ ഈ വേഷം മികവുറ്റതാക്കി. ഭാഷ ആദ്യമൊക്കെ ഒരു കല്ലുകടിയായി തോന്നിയെങ്കിലും പിന്നീട് പ്രശ്നമൊന്നും തോന്നിയില്ല.. ഇര്‍ഷാദിനൊപ്പമുള്ള മാസ് സീനൊക്കെ കിക്കിടു ആയിരുന്നു. സുരേഷ് ഗോപിയെക്കാളും നന്നായി സിനിമയില്‍ തിരുവനന്തപുരം ഭാഷ കൈകാര്യം ചെയ്തത് കല്പനയാണെന്ന് തോന്നുന്നു ഈ ചിത്രത്തില്‍. കല്പന തന്റെ വേഷം ഗംഭീരമാക്കി. മറ്റുകഥാപാത്രങ്ങളും മികച്ചുനിന്നു. നിഷാന്ത് സാഗര്‍, അനൂപ്‌ മേനോന്‍, ജോജു, മേഘ്നാ രാജ്, നന്ദു, സൈജുസാര്‍, സുരാജ് തുടങ്ങിയവരെല്ലാം തങ്ങളുടെ വേഷങ്ങളില്‍ നന്നായി. ഷാജുവിന്റെ പാലക്കാട്‌ ഭാഷ ഒരുപാട് steriotypical ആകുന്നില്ലേ എന്നൊരു സംശയം, എല്ലാ പടത്തിലും ഇതുതന്നെയാണ് അങ്ങേര് കാണിക്കുന്നത്. അനൂപ്‌ മേനോന്റെ തിരക്കഥ നന്നായിരുന്നു. ദീഫന്‍ അനൂപിന്റെ സഹായത്തോടെയായിരിക്കാം, മോശമാക്കാതെ സംവിധാനം ചെയ്തു. എഡിറ്റിംഗ് കുറച്ചുകൂടെ ഷാര്‍പ് ആക്കാമായിരുന്നു എന്നുതോന്നി.
മൊത്തത്തില്‍ പറയുകയാണെങ്കില്‍, എപ്പോഴും ചിരിച്ചമുഖത്തോടുകൂടിയുള്ള ഒരു ജീവിയാണ് ഡോള്‍ഫിന്‍. അതിനെക്കാണുമ്പോള്‍ത്തന്നെ നമ്മുടെ മുഖങ്ങളില്‍ ഒരു ചിരി വിടരും.. അതേപോലെ പ്രേക്ഷകരുടെ മുഖങ്ങളില്‍ ഒരു പുഞ്ചിരി വിടര്‍ത്തുന്ന നല്ലൊരു അനുഭവമാണ് ഈ ഡോള്‍ഫിന്‍സ്. ഇതിന്റെ തീയറ്റര്‍ സ്റ്റാറ്റസ് വല്യ മെച്ചമില്ല എന്നാണുകേട്ടത്.. എന്നാലും വരും വര്‍ഷങ്ങളില്‍ മികച്ചൊരു ഫീല്‍ഗുഡ് ചിത്രമായി ഇത് കണക്കാക്കപ്പെടും എന്നത് തീര്‍ച്ചയാണ്. കാണാന്‍ ശ്രമിക്കുക.

Freaky Chakra Movie Review

ഫ്രീക്കി ചക്ര (Freaky Chakra, Hinglish, 2003)
വികെ പ്രകാശിന്റെ ആദ്യകാല ചിത്രങ്ങളില്‍ ഒന്നാണ് ഫ്രീക്കി ചക്ര. പുനരധിവാസത്തിന് ശേഷം ചെയ്തതാണെന്ന് തോന്നുന്നു. ഇതിന്റെ ഡൌണ്‍ലോഡ് ലിങ്കോ ഡിവിഡിയോ കിട്ടാന്‍ കുറേ ശ്രമിച്ചിരുന്നു. ഒടുവില്‍ ഒരു 4 ഇന്‍ 1 ഡിവിഡിയില്‍ മറ്റുമൂന്ന് ഹിംഗ്ലിഷ് ചിത്രങ്ങള്‍ക്കൊപ്പം ഇത് കിട്ടി. വലിയ ഗുണമില്ലാത്ത പ്രിന്റ്‌ ആണെങ്കില്‍പ്പോലും കണ്ടു.
ബാംഗ്ലൂരിലെ ഒരു അപ്പാര്‍ട്ട്മെന്റിലെ കുറച്ചുപേരുടെ ജീവിതത്തെ കേന്ദ്രീകരിച്ചുകൊണ്ട് ഒരുക്കിയ ഈ ചിത്രം plotwise നത്തോലി ഒരു ചെറിയ മീനല്ല എന്ന വികെപി ചിത്രവുമായി സാമ്യം പുലര്‍ത്തുന്നുണ്ട്. രണ്‍വീര്‍ ഷോരെ അവതരിപ്പിക്കുന്ന എഴുത്തുകാരന്റെ ഭാവനയിലെ കഥാപാത്രങ്ങള്‍ ആണ് സിനിമയിലുള്ള മറ്റെല്ലാവരും.
വളരെ പരീക്ഷണപരമായാണ്‌ ചിത്രം ചെയ്തിരിക്കുന്നത്. അധികമൊന്നും പരിചിതമല്ലാത്ത ഒരു narrative ശൈലിയും മറ്റും.. വിധവയായ ഒരു എക്സ്-ഡോക്ടറുടെ ജീവിതവും അതിലേക്ക് കടന്നുവരുന്ന ഒരു പേയിംഗ് ഗസ്റ്റും പിന്നീട് നടക്കുന്ന സംഭവങ്ങളും ഒക്കെയാണ് ചിത്രം. പ്രധാനകഥാപാത്രങ്ങളെ അവതരിപ്പിച്ച ദീപ്തി നവാല്‍, സച്ചിന്‍ ഖേദെകര്‍, സുനില്‍ റാവു, രണ്‍വീര്‍ ഷോരെ തുടങ്ങിയവര്‍ അവരവരുടെ വേഷങ്ങള്‍ മോശമാക്കാതെ ചെയ്തു. ഔസേപ്പച്ചന്റെ സംഗീതവും പശ്ചാത്തലസംഗീതവും മികച്ചുനിന്നു. ഗോപിസുന്ദര്‍, ഫ്രാങ്കോ തുടങ്ങിയവര്‍ ഔസേപ്പച്ചന്റെ ടീമില്‍ ഉണ്ടായിരുന്നു അപ്പോള്‍. ക്യാമറാവര്‍ക്ക് ഒക്കെ ആ കാലത്ത് ഇറങ്ങിയിരുന്ന ഇന്ത്യന്‍ ഇംഗ്ലീഷ് ചിത്രങ്ങളിലെ പോലെത്തന്നെ ആയിരുന്നു.
ഈ ചിത്രം അത്ര നല്ലതാണെന്നൊന്നും എനിക്ക് അഭിപ്രായമില്ല, പക്ഷേ വ്യത്യസ്തമായ ഒരു ശ്രമം ആയിരുന്നു ഇത്. വെറുതെ ഒന്ന് കാണാം.

Rang Rasiya Movie Review

രംഗ് രസിയാ (Rang Rasiya, Hindi, 2014)
ലോകപ്രസിദ്ധ ചിത്രകാരനായ രാജാ രവിവര്‍മയുടെ ജീവിതത്തെ ആസ്പദമാക്കി നിര്‍മിച്ച ഈ ചിത്രം മംഗല്‍ പാണ്ഡേ, മായ, മിര്‍ച് മസാല തുടങ്ങിയ ചിത്രങ്ങളുടെ സംവിധായകനായ കേതന്‍ മേത്തയുടെ ഏറ്റവും പുതിയ സംവിധാനസംരംഭമാണ്. ഏറ്റവും പുതിയതെന്ന് പറയാനാകുമോ എന്നറിയില്ല, എന്തെന്നാല്‍ 2008ല്‍ ചിത്രീകരണം കഴിഞ്ഞ ചിത്രമാണിത്. പല ഫിലിം ഫെസ്റ്റിവലുകളിലും പ്രേക്ഷകശ്രദ്ധ പിടിച്ചുപറ്റിയെങ്കിലും നമ്മുടെ ഈ സ്വതന്ത്രഭാരതത്തിലെ ചില മനോഹരമായ സെന്‍സര്‍ഷിപ്പ് നിയമങ്ങള്‍ മൂലം ഇത്രയും കാലം ചിത്രം തീയറ്ററുകളില്‍ റിലീസ് ആയിരുന്നില്ല. ഇപ്പോള്‍ ആരുടെയോ കൃപകൊണ്ട് ഈ വെള്ളിയാഴ്ച ചിത്രം തീയറ്ററുകളില്‍ എത്തി.

ഒരു കഥാപാത്രമായി ജീവിക്കുക, ആ കഥാപാത്രത്തിലേക്ക് പരകായപ്രവേശം നടത്തുക, ഇങ്ങനെയൊക്കെ പല നടന്മാരുടെ പ്രകടനങ്ങളെക്കുറിച്ചും നമ്മള്‍ പുകഴ്ത്തിപ്പറയാറുണ്ടെങ്കിലും എല്ലാപ്പോഴുമൊന്നും അത്തരമൊരു പ്രകടനം നമുക്ക് കാണാന്‍ സാധിച്ചെന്നുവരില്ല. എന്നാല്‍ ഈ ചിത്രത്തില്‍ രണ്‍ദീപ് ഹൂഡ അക്ഷരാര്‍ത്ഥത്തില്‍ അത്തരമൊരു പ്രകടനമായിരുന്നു കാഴ്ചവെച്ചത്. അന്യായം, ക്ലാസ്സ്‌ എന്നൊന്നും പറഞ്ഞാല്‍ പോര. ചില സ്ഥലങ്ങളില്‍ വീണുപോകുമായിരുന്ന ചിത്രത്തെ സ്വന്തം തോളുകളിലേറ്റി ആത്മവിശ്വാസത്തോടെ ഈ മനുഷ്യന്‍ മുന്നോട്ടുനയിച്ചു. ഇദ്ദേഹം തന്നെയാണ് ഈ ചിത്രത്തിന്റെ ആത്മാവ്. തനിക്കാവുന്ന രീതിയില്‍ സ്വന്തം കഥാപാത്രത്തെ മികവുറ്റതാക്കിയ നായിക (നന്ദനാ സെന്‍) പോലും ഈ മനുഷ്യനുമുന്നില്‍ ഒന്നുമല്ലാതെ പോയെന്ന് തോന്നിപ്പിച്ചെങ്കില്‍ അത് ഇദ്ദേഹത്തിന്റെ അപാരപ്രകടനം ഒന്നുകൊണ്ടുമാത്രമാണ്.

ചിത്രത്തിലേക്ക് വരികയാണെങ്കില്‍, വളരെ മനോഹരമായ രീതിയില്‍ ചിത്രീകരിച്ച ഒരു സിനിമയാണിത്. ദൃശ്യവിരുന്ന് എന്നൊക്കെ വിളിക്കാവുന്ന ഒന്ന്. രാജാ രവിവര്‍മയുടെ യൌവനം മുതല്‍ മരണത്തിനുമുന്‍പുള്ള കുറച്ച് വര്‍ഷങ്ങള്‍ വരെയുള്ള കഥയാണ് കേതന്‍ മേത്ത ഈ ചിത്രത്തിലൂടെ പറഞ്ഞിരിക്കുന്നത്. കേരളത്തില്‍നിന്നും ബോംബെയില്‍ എത്തുന്ന രവിവര്‍മ ബറോഡ മഹാരാജാവിനു വേണ്ടി ഹിന്ദുപുരാണങ്ങളിലെ ചിത്രങ്ങള്‍ വരയ്ക്കുന്നതും പിന്നീട് സംഭവിക്കുന്ന കാര്യങ്ങളും മറ്റുമാണ് കഥയുടെ ഇതിവൃത്തം. അത്രയും കാലം കല്ലുകളില്‍ കൊത്തിയ ശില്‍പങ്ങളില്‍ സവര്‍ണ്ണര്‍ മാത്രം കണ്ടിരുന്ന ദൈവങ്ങള്‍ക്ക് ഇന്ന് എല്ലാവരുടെയും പൂജാമുറികളില്‍ ചില്ലിട്ടുവെച്ചിരിക്കുന്ന വര്‍ണ്ണശബളമായ രൂപങ്ങള്‍ നല്‍കിയതില്‍ രവിവര്‍മയുടെയും, സുഗന്ധാബായിയുടെയും പങ്ക് എത്രത്തോളമായിരുന്നെന്ന് ഈ ചിത്രം കണ്ടാല്‍ നമുക്ക് മനസിലാകും. സ്വയം ഒരു മനുഷ്യസ്ത്രീ മാത്രമായ തനിക്ക് എങ്ങനെ ദേവിയെപ്പോലെ ഇരിക്കാന്‍ സാധിക്കും എന്ന സുഗന്ധാബായിയുടെ ചോദ്യത്തിന് രവിവര്‍മ പ്രതികരിക്കുന്ന രംഗമൊക്കെ വളരെയേറെ മികച്ചതായിരുന്നു. രവിവര്‍മ വരച്ച ശ്രീരാമന്റെ ചിത്രത്തിനുമുന്‍പില്‍ ഒരു സാധാരണക്കാരന്‍ മുട്ടുകുത്തിനിന്ന് രാമകീര്‍ത്തനങ്ങള്‍ പാടുന്ന രംഗവും, ഹിന്ദു ദൈവങ്ങളെ വരച്ചതിനെതിരെ ചോദ്യം ചെയ്യാന്‍ വന്നവരോടുള്ള നര്‍മത്തില്‍ ചാലിച്ച മറുപടികളും, പിന്നീട് ഇന്ത്യന്‍ സിനിമയുടെ തന്നെ പിതാവായ ഫാല്‍ക്കെയും രവിവര്‍മയും തമ്മിലുള്ള ബന്ധവും, അങ്ങനെ പല രംഗങ്ങളും ചിത്രത്തില്‍ മികച്ചുനിന്നു. ചുരുക്കം ചില സ്ഥലങ്ങളില്‍ ഇത്തിരി പാളിപ്പോകുമെന്ന് തോന്നിയെങ്കിലും, പെട്ടെന്നുതന്നെ പഴയഗതിയിലേക്ക് ചിത്രം തിരിച്ചുവന്നു.

ഈ ചിത്രത്തിന്റെ റിലീസ് ഇത്രയേറെ വൈകാന്‍ കാരണം ഇതിലെ നഗ്നതാരംഗങ്ങള്‍ ആണെന്നാണ്‌ അറിയാന്‍ കഴിഞ്ഞത്. ഒന്നുരണ്ട് അത്തരം രംഗങ്ങള്‍ ഉണ്ടെങ്കില്‍പ്പോലും അത്യന്തം മനോഹാരിതയോടെയാണ് അവ ചിത്രീകരിച്ചിരിക്കുന്നത്. ഒരു ഗാനരംഗത്തില്‍ നായികാനായകന്മാര്‍ തങ്ങളുടെ ദേഹത്ത് ചായങ്ങള്‍ പുരണ്ടുകൊണ്ട് ആനന്ദത്തിന്റെ പാരമ്യത്തില്‍ നഗ്നരായി പരസ്പരം നോക്കിക്കിടക്കുന്നുണ്ട്. അത്തരമൊരു രംഗത്തില്‍ പോലും പ്രേക്ഷകര്‍ക്ക് ഒട്ടും അശ്ലീലം തോന്നാത്ത വിധത്തില്‍ മനോഹരമായ ഒരു oil painting കാണുന്ന അനുഭൂതി ഉളവാക്കുന്നതില്‍ സംവിധായകന്റെ പങ്ക് ചെറുതല്ല.

നായികയായി നന്ദനാ സെന്‍ മികച്ച പ്രകടനമായിരുന്നു കാഴ്ചവെച്ചത്. വളരെ മനോഹരിയായിരുന്നു അവര്‍ ചിത്രത്തില്‍. മറ്റുവേഷങ്ങളില്‍ വന്ന വിപിന്‍ ശര്‍മ, പരേഷ് റാവല്‍, ദര്‍ശന്‍ ജാരിവാല തുടങ്ങിയവരും തങ്ങളുടെ വേഷങ്ങള്‍ നല്ല രീതിയില്‍ ചെയ്തു. ഗാനങ്ങള്‍ നന്നായിരുന്നു, പശ്ചാത്തലസംഗീതം വളരെ മികച്ചുനിന്നു. സാങ്കേതികപരമായി വളരെ മികച്ചുനില്‍ക്കുന്നുണ്ട് ചിത്രം.

കേതന്‍ മേത്തയും സഞ്ജീവ് ദത്തയും ചേര്‍ന്നാണ് സംഭാഷണങ്ങള്‍ രചിച്ചിരിക്കുന്നത്. ചിത്രത്തിലെ കോടതിമുറി രംഗങ്ങളില്‍ രവിവര്‍മയുടെ കലാസ്വാതന്ത്ര്യത്തെക്കുറിച്ചുള്ള ഡയലോഗുകള്‍ സംവിധായകന്‍ സ്വയം സെന്‍സര്‍ബോര്‍ഡിനോട് പറയാതെ പറയുന്നതുപോലെ തോന്നി. അല്ലെങ്കിലും, ആ മഹാത്മാവിനെ ആസ്പദമാക്കി ചെയ്ത സിനിമ ഒടുവില്‍ 'ജീവിച്ചിരുന്നവരും മരിച്ചവരുമായി യാതൊരു സാമ്യവുമില്ല, രഞ്ജിത് ദേശായിയുടെ രാജാ രവിവര്‍മ എന്ന നോവലിനെ ആസ്പദമാക്കി ചെയ്ത സാങ്കല്‍പ്പികസൃഷ്ടി ആണ്' എന്നൊക്കെ ആദ്യം എഴുതിക്കാണിക്കുകയാണെങ്കില്‍ മാത്രം റിലീസ് ചെയ്യാന്‍ സമ്മതിക്കാം എന്ന് വാശിപിടിച്ച സെന്‍സര്‍ബോര്‍ഡിനോടൊക്കെ എന്തുപറയാന്‍! നല്ലൊരു ചിത്രം, സാധിക്കുമെങ്കില്‍ തീയറ്ററില്‍ കാണാന്‍ ശ്രമിക്കുക. ഈ ചിത്രം നിങ്ങളുടെ തീയറ്റര്‍ വാച്ച് അര്‍ഹിക്കുന്നു.

PS: രവി വള്ളത്തോള്‍ ഉണ്ടായിരുന്നു ചിത്രത്തില്‍! പക്ഷേ ഡയലോഗ് ഒന്നും ഉണ്ടായിരുന്നില്ല frown emoticon

Halo Hindi Movie Review

ഹാലോ (Halo, 1997, Hindi)
പ്രശസ്ത ഛായാഗ്രാഹകനും സംവിധായകനുമായ സന്തോഷ്‌ ശിവന്റെ ആദ്യ രചനാ-സംവിധാനസംരംഭമായിരുന്നു 1997ല്‍ പുറത്തിറങ്ങിയ ഹാലോ. ഒരു തുടക്കക്കാരന്റെ ഒരുതരം പിഴവുകളും കൂടാതെ ഒരു മനോഹരമായ കൊച്ചുചിത്രമായിരുന്നു സന്തോഷ്‌ ശിവന്‍ ഒരുക്കിയത്. 2001ല്‍ ഞങ്ങളുടെ സ്കൂളില്‍ ഉണ്ടായ ഒരു സ്ക്രീനിംഗിലാണ് ഈ ചിത്രം ആദ്യമായി കാണാന്‍ സാധിച്ചത്. അന്നൊന്നും കാര്യമായി ഹിന്ദി മനസ്സിലായിരുന്നില്ല. എന്നിട്ടും എവിടെയൊക്കെയോ ഈ ചിത്രം ഉള്ളില്‍ തട്ടിയിരുന്നു. പിന്നീട് ഇന്റര്‍നെറ്റും ഒക്കെ ആയപ്പോള്‍ ഈ ചിത്രത്തിനുള്ള തിരച്ചില്‍ തുടങ്ങി. കുറേ ഓണ്‍ലൈന്‍ ഫോറങ്ങളില്‍ റിക്വസ്റ്റ് പോസ്റ്റ്‌ ചെയ്തിരുന്നെങ്കിലും എവിടന്നും കിട്ടിയില്ല.. ഒടുവില്‍ ഒരു ദിവസം ടോറന്റില്‍ നിന്ന് ഈ സിനിമ കിട്ടിയപ്പോള്‍ വീണ്ടും കണ്ടു.
അമ്മയില്ലാത്ത സാഷ എന്ന എഴുവയസ്സുകാരിയുടെയും അവരുടെ ഹാലോ എന്നുപേരുള്ള വളര്‍ത്തുനായയുടെയും ആത്മബന്ധത്തിന്റെ കഥയാണ് ഈ ചിത്രം പറയുന്നത്.. ഒരവസരത്തില്‍ ആ നായക്കുട്ടിയെ നഷ്ടപ്പെടുന്ന സാഷ കൂട്ടുകാര്‍ക്കൊക്കൊപ്പം അതിനുവേണ്ടിയുള്ള തിരച്ചിലുകള്‍ നടത്തുകയും പിന്നീട് നടക്കുന്ന സംഭവങ്ങളും നല്ല രീതിയില്‍ പറഞ്ഞുപോകുന്നുണ്ട് സംവിധായകന്‍. ചിലയിടങ്ങളില്‍ ഒരുപരിധിവരെ cinematic liberty എടുക്കുന്നുണ്ടെങ്കിലും ഉദ്ദേശശുദ്ധിയെ മാനിച്ച് അതെല്ലാം വളരെ എളുപ്പത്തില്‍ മറന്നുകളയാവുന്നതേ ഉള്ളൂ. ഇടയ്ക്ക് മതത്തിന്റെ പേരില്‍ നടക്കുന്ന വഴക്കുകള്‍ക്കെതിരെ ചില കൊട്ടുകളും ചിത്രം കൊടുക്കുന്നുണ്ട്.. ഒരു ഡയലോഗ് ഇങ്ങനെയാണ്..
"Dad, this war is God-made or Man-made?"
"Man-made, for God!"
സാഷയായി അഭിനയിച്ച ബേനാഫ് ദാദാചന്ദ്ജിയുടെ മികച്ച പ്രകടനവും ഈ ചിത്രത്തിന്റെ ഒരു ഹൈലൈറ്റ് ആണ്. കുട്ടികള്‍ക്കുള്ള ചിത്രമെന്ന ലേബലില്‍ വന്ന സിനിമയാണെങ്കിലും നല്ല സിനിമകള്‍ ഇഷ്ടപ്പെടുന്ന ഏവര്‍ക്കും നല്ലൊരു അനുഭവം ആയിരിക്കും ഈ ചിത്രം. കാണാന്‍ ശ്രമിക്കുക.

Unholy Women Movie Review

അണ്‍ഹോളി വിമെന്‍ (Unholy Women aka Kowai Onna, 2006, Japanese)
ഒരു തണുത്ത രാത്രിയില്‍ റൂം അടച്ച് ഒറ്റക്കിരുന്ന് ഏഷ്യന്‍ ഹൊറര്‍ സിനിമ കാണുന്നത് ഒരു പ്രത്യേക സുഖമാണ്. ജാപ്പനീസ്, ചൈനീസ്‌, ഇന്തോനേഷ്യന്‍, കൊറിയന്‍ ഹൊറര്‍ ചിത്രങ്ങളോട് എന്നും ഒരു പ്രത്യേക അഭിനിവേശം ആയിരുന്നു. ഏഷ്യന്‍ ഹൊറര്‍ ഫാന്‍സ്‌ മിസ്‌ ചെയ്യാന്‍ പാടില്ലാത്ത ഒരു ചിത്രമാണ് അണ്‍ഹോളി വിമെന്‍. അര മണിക്കൂറോളം വരുന്ന മൂന്നുചിത്രങ്ങള്‍ ചേര്‍ന്ന ഒരു anthology ഫിലിം ആണിത്. മൂന്നും കിടു ആണ്.. പേടിയും ഒരു ക്രീപ്പി ഫീലിങ്ങും ഒക്കെ നന്നായി ഉണ്ടാക്കുന്ന പല ഐറ്റംസും ഉണ്ട് പടത്തില്‍. ഏഷ്യന്‍ ഹൊറര്‍ ഫാന്‍സിന് നല്ലൊരു ട്രീറ്റ് തന്നെയായിരിക്കും ഈ ചിത്രം.

Kill Buljo Movie Review

കില്‍ ബുള്‍ജോ (Kill Buljo, 2007, Norwegian)
ടാരന്റിനോയുടെ കില്‍ ബില്ലിന്റെ ഒരു കിടിലന്‍ നോര്‍വീജിയന്‍ സ്പൂഫ് ആണ് കില്‍ ബുള്‍ജോ. പിന്നീട് ഡെഡ് സ്നോ എന്ന സ്ലാഷര്‍ കോമഡിയിലൂടെ പ്രശസ്തനായ സംവിധായകന്‍ ടോമി വിര്‍ക്കൊളയുടെ രണ്ടാമത്തെ ചിത്രമായിരുന്നു ഇത്. തന്റെ വിവാഹച്ഛടങ്ങില്‍ കയറിവന്ന് കൂട്ടക്കൊല നടത്തുന്ന ബുള്‍ജോയോടും കൂട്ടരോടും യോംപാ തോര്‍മാന്‍ എന്ന കഥാനായകന്‍ നടത്തുന്ന പ്രതികാരത്തിന്റെ കഥയാണ് ഈ ചിത്രം പറയുന്നത്. കില്‍ ബില്ലിലെ പല സീന്‍സിനെയും സൂപ്പര്‍ ആയി സ്പൂഫ് ചെയ്തിട്ടുണ്ട്, കൂടാതെ പല ഹോളിവുഡ് ക്ലീഷേകളെയും കണക്കിന് കളിയാക്കിയിട്ടുമുണ്ട്.. എന്തുകൊണ്ട് ബുള്‍ജോ ആ കൂട്ടക്കൊല നടത്തി എന്നതൊക്കെ മുട്ടന്‍ കോമഡിയാണ്. ധാരാളം adult comedy സീന്സും ഉണ്ട് ചിത്രത്തില്‍. ബിജിഎം, നടീനടന്മാരുടെ പ്രകടനങ്ങള്‍ എന്നിവയൊക്കെ ടോപ്‌ ക്ലാസ് ആയിരുന്നു. ഞാന്‍ ഇന്നേവരെ കണ്ട സ്പൂഫ് ചിത്രങ്ങളില്‍ ഏറ്റവും മുകളില്‍ തന്നെയാണ് ഈ ചിത്രത്തിന്റെ സ്ഥാനം. സ്പൂഫ് പടങ്ങള്‍ ഇഷ്ടപ്പെടുന്നവര്‍ ഒരിക്കലും മിസ്‌ ചെയ്യാന്‍ പാടില്ലാത്ത ചിത്രം. കാണാന്‍ ശ്രമിക്കുക.

Ekkees Topon Ki Salaami Movie Review

ഇക്കീസ് തോപ്പോം കീ സലാമി (Ekkees Topon Ki Salaami, Hindi, 2014)
നമ്മുടെ രാജ്യത്തെ പ്രമുഖര്‍ അന്തരിക്കുമ്പോള്‍ അവരോടുള്ള ആദരസൂചകമായി അവരുടെ ശവസംസ്കാരത്തോടനുബന്ധിച്ചു നടത്തുന്ന ചടങ്ങാണ് 'ഇക്കീസ് തോപ്പോം കീ സലാമി' അഥവാ ഇരുപത്തൊന്ന് പീരങ്കി ഷോട്ടുകള്‍. ഈ ആദരവിന് ആരാണ് അര്‍ഹര്‍ എന്നൊരു ചോദ്യമാണ് കഴിഞ്ഞ വെള്ളിയാഴ്ച പുറത്തിറങ്ങിയ ഈ സിനിമ മുന്നോട്ടു വെക്കുന്നത്. ഒരു മുനിസിപ്പാലിറ്റി ജീവനക്കാരന്‍ മരിക്കുന്നതിനു തൊട്ടുമുന്‍പ് അവസാനത്തെ ആഗ്രഹമായി തന്റെ ശവസംസ്കാരം ഇരുപത്തൊന്ന് പീരങ്കി ഷോട്ടുകളുടെ അകമ്പടിയോടെ ആകണം എന്ന് പറയുന്നു. അദ്ദേഹത്തിന്റെ രണ്ടുമക്കളും ചേര്‍ന്ന് അത് സാധ്യമാക്കുവാന്‍ നടത്തുന്ന ശ്രമങ്ങളാണ് ആക്ഷേപഹാസ്യത്തിന്റെ മേമ്പൊടിയോടെ നവാഗതസംവിധായകന്‍ രവീന്ദ്രഗൌതം ചിത്രത്തില്‍ അവതരിപ്പിച്ചിരിക്കുന്നത്.
Phas Gaya Re Obama, Khosla Ka Khosla തുടങ്ങിയ രസകരമായ medium budget ചിത്രങ്ങളുടെ നിരയിലേക്ക് ചേര്‍ക്കാവുന്ന ഒരു രസമുള്ള സിനിമയാണ് ഇതും. ഒന്നാം പകുതിയില്‍ അവിടെയുമിവിടെയും ഇത്തിരി ഇഴച്ചില്‍ അനുഭവപ്പെട്ടുവെങ്കിലും രണ്ടാം പകുതി കൂടുതല്‍ രസിപ്പിച്ചു. മുഖ്യകഥാപാത്രങ്ങളായി വേഷമിട്ട അനുപം ഖേര്‍, മനു ഋഷി, ദിവ്യേന്ദു ശര്‍മ, രാജേഷ്‌ ശര്‍മ, നേഹ ധൂപിയ, അദിതി ശര്‍മ, ഉത്തരാ ബോക്കര്‍ തുടങ്ങി എല്ലാവരും വളരെ നല്ല പ്രകടനങ്ങള്‍ തന്നെയാണ് കാഴ്ചവെച്ചത്. റാം-സമ്പത്തിന്റെ ഗാനങ്ങളും നന്നായിരുന്നു. ചില സ്ഥലങ്ങളില്‍ ചലച്ചിത്രപരമായ liberty എടുത്തിട്ടുണ്ടെങ്കില്‍പ്പോലും ഒരു പുതുമുഖം എന്ന നിലയില്‍ സംവിധായകന്‍ വളരെയേറെ പ്രതീക്ഷ നല്‍കുന്നുണ്ട്. പൊളിറ്റിക്കല്‍ സറ്റയറുകള്‍ ഇഷ്ടപ്പെടുന്നവര്‍ക്ക് ധൈര്യമായി ഒരു തവണ കാണാം. തീയറ്ററില്‍ തന്നെ കാണണം എന്നൊന്നും ഞാന്‍ നിര്‍ബന്ധം പിടിക്കില്ല.. ടോറന്റില്‍ വരുമ്പോള്‍ കാണാന്‍ ശ്രമിക്കുക..

Ankhon Dekhi Movie Review

ആംഖോം ദേഖി - (Ankhon Dekhi, 2014, Hindi)
രണ്ടുദിവസങ്ങള്‍ക്കുമുന്‍പ് ഹിന്ദിയിലെ അധികം ശ്രദ്ധിക്കപ്പെടാത്ത ചില മികച്ച നടന്മാരെക്കുറിച്ചുള്ള പോസ്റ്റ്‌ ഇടുമ്പോഴാണ്‌ ഈ ചിത്രത്തെപ്പറ്റി ഓര്‍ത്തത്. രജത് കപൂര്‍ സംവിധാനം ചെയ്ത ചിത്രങ്ങള്‍ ഒന്നുംതന്നെ എന്നെ നിരാശപ്പെടുത്തിയിട്ടില്ല. ഇതും ഇറങ്ങിയ സമയത്ത് തീയറ്ററില്‍ പോയി കാണണം എന്ന് കരുതിയെങ്കിലും സാധിച്ചില്ല. ഇപ്പോള്‍ വീണ്ടും ഈ ചിത്രത്തെപ്പറ്റി ഓര്‍ത്തപ്പോള്‍ ഉടന്‍ തന്നെ കാണണം എന്നുതോന്നി. അങ്ങനെ ഇന്നലെ ഈ ചിത്രം കണ്ടു (ഡൌണ്‍ലോഡ് ചെയ്തിട്ടാണെന്ന് പ്രത്യേകം പറയേണ്ടതില്ലല്ലോ).
മനോഹരമായൊരു ചിത്രം. വളരെ രസകരമായ ഒരു തീം, പ്രധാനനടീനടന്മാരുടെ അന്യായ പ്രകടനങ്ങള്‍, ഉള്ളില്‍ തട്ടുന്ന പല രംഗങ്ങളും.. വല്ലാത്ത ഒരു ഫീല്‍ ആയിരുന്നു ചിത്രം കണ്ടുകഴിഞ്ഞപ്പോള്‍. 50-55 വയസ്സുള്ള കേന്ദ്രകഥാപാത്രം.. അയാള്‍ ഒരു ദിവസം ഒരു തീരുമാനം എടുക്കുകയാണ്.. നേരിട്ട് കാണുന്നത് മാത്രമേ വിശ്വസിക്കൂ എന്ന്. അങ്ങനെ ജീവിക്കുന്ന അയാള്‍ക്ക് നേരിടേണ്ടിവരുന്ന കഷ്ടപ്പാടുകളും മറ്റുമാണ് സിനിമയുടെ ഇതിവൃത്തം. ബോളിവുഡിലെ അധികം ആരും ഉപയോഗിച്ചുകണ്ടിട്ടില്ലാത്ത സഞ്ജയ്‌ മിശ്ര എന്നൊരു കോമഡി നടനാണ്‌ കേന്ദ്രകഥാപാത്രത്തെ അവതരിപ്പിക്കുന്നത്. പാവം മനുഷ്യന്‍ ഇത്രേം നന്നായി അഭിനയിക്കുമെങ്കിലും കിട്ടുന്നത് മുഴുവന്‍ ചളി കോമഡി റോളുകള്‍ ആണല്ലോ എന്നോര്‍ത്ത് സങ്കടം തോന്നി. മധ്യവര്‍ത്തികുടുംബങ്ങളിലെ പല പ്രശ്നങ്ങളും തികച്ചും സ്വാഭാവികമായ രീതിയില്‍ അവതരിപ്പിച്ചിരുന്നു. ക്ലൈമാക്സ് ഒരു ഷോക്ക് തന്നെയാണ്. പിന്നൊരു കാര്യം, ഇതൊരു story-driven സിനിമയല്ല, കഥാപാത്രങ്ങളുടെ ജീവിതങ്ങളില്‍ നടക്കുന്ന പല സംഭവങ്ങളും സ്വാഭാവികമായ ശൈലിയില്‍ കാണിച്ചിരിക്കുന്നു, അത്രതന്നെ. പല വലിയ കാര്യങ്ങളും പറയുന്ന ഈ കൊച്ചുചിത്രം എല്ലാവരും കാണാന്‍ ശ്രമിക്കുക.

Poshter Boyz Movie Review

പോസ്റ്റര്‍ ബോയ്സ് (Poshter Boyz, 2014, Marathi)
ഇന്നൊരു മറാത്തി സിനിമ കണ്ടിരുന്നു.. 'പോസ്റ്റര്‍ ബോയ്സ്'..
ഹിന്ദി നടന്‍ ശ്രേയസ് തല്‍പദേ ആണ് ചിത്രം നിര്‍മ്മിച്ചിരിക്കുന്നത്... നല്ലതാണെന്ന് കുറച്ച് ദിവസങ്ങളായി കേള്‍ക്കുന്നതുകൊണ്ട്‌ ഇന്നലെ പോവാം എന്ന് വിചാരിച്ചെങ്കിലും സമയത്തിന് ബസ് വരാഞ്ഞതുകൊണ്ട് ഇന്നലത്തെ ഷോ മിസ്സ്‌ ആയി.. അതുകൊണ്ട് ഇന്ന് ഇത്തിരികൂടെ നേരത്തെ ഇറങ്ങി തീയറ്ററില്‍ എത്തി.
അകത്തുകയറി സിനിമ തുടങ്ങിയപ്പോഴാണ് സബ്ടൈറ്റില്‍ ഇല്ലെന്ന ദുഃഖകരമായ സത്യം മനസ്സിലാക്കിയത്.. സാധാരണ ബാംഗ്ലൂരില്‍ മറാത്തി, ബംഗാളി, ഭോജ്പുരി പടങ്ങള്‍ ഒക്കെ സബ്ടൈറ്റില്‍ ഇട്ടുകാണിക്കാറാണ് പതിവ്.. ആ ഒരു വിശ്വാസത്തില്‍ പോയതാണ്.. പിന്നെ കേറിയതല്ലേ, കണ്ടുനോക്കാം, ഇന്റര്‍വെല്‍ ആവുമ്പോള്‍ ഇറങ്ങാം എന്ന് കരുതി അവിടെ ഇരുന്നു..
രസകരമായി ചിത്രം മുന്നോട്ടുനീങ്ങി.. പറയുന്നത് dialogwise കാര്യമായൊന്നും മനസ്സിലായില്ലെങ്കിലും സന്ദര്‍ഭങ്ങളും മറ്റും വെച്ചുനോക്കിയപ്പോള്‍ കുറേയൊക്കെ മനസ്സിലായി... മൂന്നുപേരുടെ ഫോട്ടോസ് സര്‍ക്കാരിന്റെ 'vasectomy' (പുരുഷവന്ധ്യംകരണം) പദ്ധതിയുടെ ഭാഗമായുള്ള പോസ്റ്ററില്‍ അവരുടെ സമ്മതം കൂടാതെ ഉപയോഗിക്കുക മൂലം അവര്‍ക്ക് സമൂഹത്തില്‍ നേരിടേണ്ടിവരുന്ന ബുദ്ധിമുട്ടുകളെ അവര്‍ എങ്ങനെ മറികടക്കുന്നു എന്നൊക്കെയാണ് ചിത്രം പറയുന്നത്... എന്തായാലും ഇന്റര്‍വെല്‍ ആയാല്‍ ഇറങ്ങാം എന്ന് കരുതിയ ഞാന്‍ മുഴുവനും കണ്ടിട്ടേ ഇറങ്ങിയുള്ളൂ എന്ന് പറഞ്ഞാല്‍ മതിയല്ലോ...
എല്ലാ നടീനടന്മാരും മികച്ച പ്രകടനം കാഴ്ചവെച്ചു. ലഗേ രഹോ മുന്നാഭായിയില്‍ ഗാന്ധിജി ആയി വന്ന ദിലിപ് പ്രഭാവല്‍ക്കാരിന്റെ മറ്റൊരു മികച്ച വേഷം കാണാന്‍ സാധിച്ചു.
മൊത്തത്തില്‍ ഡിവിഡിറിപ്പ് വരുമ്പോള്‍ (നോണ്‍ റീടെയില്‍ ഡിവിഡിറിപ്പ് വന്നിട്ടുണ്ട്, പക്ഷേ സബ്ടൈറ്റില്‍ ഇല്ല) സബ്ടൈറ്റില്‍ ഇട്ട് ഒരുവട്ടം കാണാവുന്ന നീറ്റ് entertainer ആണ് ചിത്രം. ഓരോരോ dialogsന് മറാത്തി ചേട്ടന്മാര്‍ ആര്‍ത്തുചിരിക്കുമ്പോള്‍ പൊട്ടനെപ്പോലെ ഇരിക്കേണ്ടിവന്നെങ്കിലും ആകെമൊത്തം പടം എനിക്ക് ഇഷ്ടപ്പെട്ടു. smile emoticon
പി.എസ്: മലയാളത്തില്‍ വളരെ ചുരുങ്ങിയ ബജറ്റില്‍ റീമേക്ക് ചെയ്യാന്‍ ഉതകുന്ന ഒരു പടം ആണ് ഇത്.. നെടുമുടി, സുരാജ്, ഷൈന്‍ ടോം ചാക്കോ എന്നിവരെ കേന്ദ്രകഥാപാത്രങ്ങള്‍ ആക്കി ചെയ്‌താല്‍ നല്ലൊരു ടോറന്റ് ഹിറ്റ്‌ ആകാന്‍ എല്ലാ സാധ്യതയും ഉണ്ട്!!

The Young and Prodigious T.S. Spivet Movie Review

The Young and Prodigious T.S. Spivet (English)
അമേലി, വെരി ലോങ്ങ്‌ എന്‍ഗേജ്മെന്റ്, ഡെലിക്കാറ്റെസെന്‍ തുടങ്ങിയ സിനിമകളുടെ സംവിധായകന്‍ Jean-Pierre Jeunet സംവിധാനം ചെയ്ത ത്രീഡി ചിത്രമാണ് 'The Young and Prodigious T.S. Spivet'. റീഫ് ലാര്‍സന്റെ 'The Selected Works of T.S. Spivet' എന്ന നോവലിനെ ആസ്പദമായാണ് ചിത്രം ഒരുക്കിയിരിക്കുന്നത്.. പത്തുവയസ്സുകാരനായ ടി.എസ് സ്പിവെറ്റ് എന്ന മിടുക്കനായ, ശാസ്ത്രപരമായ കാര്യങ്ങളില്‍ കുതുകിയായ കുട്ടിയെ ചുറ്റിപ്പറ്റി നീങ്ങുന്ന ചിത്രം നല്ലൊരു വിഷ്വല്‍ ട്രീറ്റും മനസ്സ് നിറയുന്നൊരു അനുഭവവും ആണ്.. അമേലി എഫക്റ്റ് പല സ്ഥലങ്ങളിലും തോന്നിപ്പിക്കുമെങ്കിലും വളരെ രസകരമായാണ് ചിത്രം മുന്നോട്ടുപോകുന്നത്.. പുതുമുഖമായ കൈല്‍ കാറ്റ്ലെറ്റ്‌ന്റെ ടി.എസ് ആയിട്ടുള്ള പ്രകടനം പ്രശംസനീയമാണ്. അതുപോലെത്തന്നെ മറ്റുനടീനടന്മാരും നല്ല രീതിയിലുള്ള പ്രകടനങ്ങള്‍ കാഴ്ചവെച്ചിട്ടുണ്ട്. മനോഹരമായ രീതിയില്‍ ചിത്രീകരിക്കപ്പെട്ട ഈ കൊച്ചുചിത്രം ഫീല്‍-ഗുഡ് സിനിമകള്‍ കാണാന്‍ ഇഷ്ടപ്പെടുന്നവര്‍ കാണാന്‍ ശ്രമിക്കുക.

Dead Snow 2 Movie Review

ഡെഡ് സ്നോ 2 - നോര്‍വീജിയന്‍
സോംബി ചിത്രങ്ങള്‍ ഇഷ്ടപ്പെടുന്നവരെ ഒരുപാട് രസിപ്പിച്ച ഒരു ചിത്രമാകും ഡെഡ് സ്നോ.. 2009ല്‍ പുറത്തിറങ്ങിയ ഈ ചിത്രം ആഗോളശ്രദ്ധ പിടിച്ചുപറ്റിയിരുന്നു.. ഇപ്പോള്‍ ഇതാ 2014ല്‍ അതിന്റെ രണ്ടാം ഭാഗവുമായീ അതേ സംവിധായകന്‍ വീണ്ടും.. ഇത്തവണ ആദ്യഭാഗത്തില്‍ നിന്നും വിപരീതമായി കൂടുതല്‍ ബജറ്റ് ചിലവഴിച്ചാണ് ഈ ചിത്രം ഒരുക്കിയിരിക്കുന്നത്. ആദ്യചിത്രം അവസാനിക്കുന്നിടത്തുനിന്നാണ് ഈ ചിത്രം തുടങ്ങുന്നത്. എല്ലാം കൊണ്ടും ആദ്യചിത്രത്തേക്കാള്‍ മികച്ച ഒരു സൃഷ്ടി ആയാണ് എനിക്ക് ഈ ചിത്രം തോന്നിയത്.. ഫസ്റ്റ് പാര്‍ട്ട്‌ മുഴുവന്‍ ടെന്‍ഷന്‍ സൃഷ്ടിക്കുമ്പോള്‍ ഇതില്‍ കുറേക്കൂടി കോമഡി ഉള്‍പ്പെടുത്താന്‍ സംവിധായകന്‍ നടത്തിയ ശ്രമം പൂര്‍ണ്ണമായി വിജയിച്ചിരിക്കുന്നു.. പിന്നെ ആസ് യൂഷ്വല്‍ അടുത്ത പാര്‍ട്ടിലേക്കുള്ള ഒരു റഫറന്‍സും വെച്ചിട്ടാണ് ചിത്രം അവസാനിക്കുന്നത്... 'ഇരുമെയ്യാണെന്നാലും നമ്മള്‍ ഒറ്റക്കരളല്ലേ, നീയെന്റെ ജീവനല്ലേ' എന്ന കണ്സപ്ടില്‍ ഒരുക്കിയ ചിത്രം zombie ചിത്രങ്ങളുടെ ആരാധാകരെ തൃപ്തിപ്പെടുത്താതിരിക്കില്ല... ആദ്യഭാഗം കാണാത്തവര്‍ അതും കാണുക.. 

The Xpose Movie Review

Some films come with big hype, months of promotions, and after watching the film the audience might feel 'was it worth the hype?'. Then there are some films which are decently promoted and well made, but straightaway rejected by the audience even without watching it! And at a later point of time when they get a chance to watch the movie, they may say 'arre, yeh film toh theek tha (hey, this film was alright!). The Xpose, unfortunately falls to the second category.

My friends laughed at me when I told them that I am gonna watch a Himesh Reshammiya flick, that too in theater! Well, this is not the first time they laugh at me, I have faced it before also. As a movie lover, I support people who work hard, and put in their efforts to make the best. This guy has worked real hard and shredded approx. 20kgs for this film, and he looks good! Also, the music seems nice, the film is rumored to be based on the dirty games in Bollywood during late 60s, and the director is a National Award winning man! I think these are enough reasons to watch this movie.

The film, promoted as a murder mystery, rather is more of a drama than a thriller. Yes, there are a few thrills but eventually it falls into the drama genre. It has its well-developed characters, the emotions and the dirty tricks human minds play to keep themselves safe. As mentioned earlier, the film is set in late 1960s and is all about the glamorous and larger-than life era. An era which showcased the other side of Indian women, who were otherwise portrayed as the usual traditional family girls. As the film unfolds, we are introduced to a world where actresses fight, heroes travel in Impalas, and speak daring one-liners frequently. Love at first sight happens, and hatred too, very often! The film is shot well, despite of its tight budget, and the songs are placed at the right place. The direction is good and he ensures that the audience who comes out the hall are not disappointed. The mystery-revealing portions were, however kinda loose and appeared to be wrapped up very quickly. Had the writers added 10-15 more minutes of investigation stuff to the film, it would have become one of the finest thrillers Bollywood has ever produced! Nevertheless, the film is good and has its moments.

But then, its a Himesh Reshammiya movie na, who will watch it in theater! Who can sit through his bad acting? Trust me, once the movie starts reeling, you will be shocked to see an unexpected good performance from him! Yes, he has put his complete effort to live up to the character. His one-liners have an extra-punch! His never-give up attitude ensures that he is here to stay. The débutant Yo Yo Honey Singh has done a decent job, and the rest of the cast enacted their characters convincingly. Special mention to the beautiful and hot lady Sonali Raut. She was awesome. The narration by the talented Irrfan Khan was another plus point.

Overall, Xpose is a good watch and an ernest attempt from the makers. Watch it, and explore the dark secrets behind the bollywood of 1960s. Thumbs up for this one!

The Xpose - Movie Review

Some films come with big hype, months of promotions, and after watching
the film the audience might feel 'was it worth the hype?'. Then there
are some films which are decently promoted and well made, but
straightaway rejected by the audience even without watching it! And at
a later point of time when they get a chance to watch the movie, they
may say 'arre, yeh film toh theek tha (hey, this film was alright!).
The Xpose, unfortunately falls to the second category.

My friends laughed at me when I told them that I am gonna watch a
Himesh Reshammiya flick, that too in theatre! Well, this is not the
first time they laugh at me, I have faced it before also. As a movie
lover, I support people who work hard, and put in their efforts to make
the best. This guy has worked real hard and shredded approx. 20kgs for
this film, and he looks good! Also, the music seems nice, the film is
rumored to be based on the dirty games in Bollywood during late 60s,
and the director is a National Award winning man! I think these are
enough reasons to watch this movie.

The film, promoted as a murder mystery, rather is more of a drama than
a thriller. Yes, there are a few thrills but eventually it falls into
the drama genre. It has its well-developed characters, the emotions and
the dirty tricks human minds play to keep themselves safe. As mentioned
earlier, the film is set in late 1960s and is all about the glamorous
and larger-than life era. An era which showcased the other side of
Indian women, who were otherwise portrayed as the usual traditional
family girls. As the film unfolds, we are introduced to a world where
actresses fight, heroes travel in Impalas, and speak daring one-liners
frequently. Love at first sight happens, and hatred too, very often!
The film is shot well, despite of its tight budget, and the songs are
placed at the right place. The direction is good and he ensures that
the audience who comes out the hall are not disappointed. The
mystery-revealing portions were, however kinda loose and appeared to be
wrapped up very quickly. Had the writers added 10-15 more minutes of
investigation stuff to the film, it would have become one of the finest
thrillers Bollywood has ever produced! Nevertheless, the film is good
and has its moments.

But then, its a Himesh Reshammiya movie na, who will watch it in
theatre! Who can sit through his bad acting? Trust me, once the movie
starts reeling, you will be shocked to see an unexpected good
performance from him! Yes, he has put his complete effort to live up to
the character. His one-liners have an extra-punch! His never-give up
attitude ensures that he is here to stay. The débutant Yo Yo Honey
Singh has done a decent job, and the rest of the cast enacted their
characters convincingly. Special mention to the beautiful and hot lady
Sonali Raut. She was awesome. The narration by the talented Irrfan Khan
was another plus point.

Overall, Xpose is a good watch and an ernest attempt from the makers.
Watch it, and explore the dark secrets behind the bollywood of 1960s.
Thumbs up for this one!

Flappy Bird APK Free Download!

Flappy Bird is an android game which is highly inspired from the Super Mario. 

The game is simple, tap the screen to keep the bird alive and flying, without hitting the pipes on the way!!!

It is too simple yet difficult to play! 

 

Dong Nguyen, the developer of the game removed the game from all the available sources, leaving the people with only the option of downloading it from other sources. Here is the link to download it directly to your mobile or PC. Please note that this contains some ads as well, but not so annoying as some other versions!!
PS: My personal best is '21' yet, comment if you are able to break it!

Download Link: https://sites.google.com/site/shyamuploads1/FlappyBirdv1.3.apk

അലര്‍ച്ച

സ്ഥിരം ബസ്സില്‍ , ഓഫീസിലേക്കുള്ള യാത്രയിലായിരുന്നു അയാള്‍ .. മൂന്നുവര്‍ഷമായി പലപ്പോഴും കണ്ടിട്ടുണ്ടെങ്കിലും, നേരിട്ട് പരിചയപ്പെടാത്തതിനാല്‍ കണ്ടാല്‍ ചിരിക്കാത്ത ചില സുപരിചിതമുഖങ്ങളും, ആരെയൊക്കെയോ കാണാനായി എങ്ങോട്ടൊക്കെയോ പോകുന്ന കുറേ മുഖങ്ങളും ആ ബസ്സില്‍ ഉണ്ടായിരുന്നു. ആര്‍ക്കും കേള്‍ക്കാന്‍ താല്പര്യമില്ലാത്ത ഒരു പഴയ കന്നഡഗാനം ചെറിയ ശബ്ദത്തില്‍ ബസ്സില്‍ വെച്ചിട്ടുണ്ടായിരുന്നു. അവനവന്റെ കാതുകളില്‍ മാത്രം കേള്‍ക്കുന്ന പത്തിരുപത്തഞ്ച് വിവിധഗാനങ്ങള്‍ വേറെയും. ബസ്സ്‌ ഇതൊന്നുമറിയാതെ മുന്നോട്ടുപൊയ്ക്കൊണ്ടിരുന്നു.

പെട്ടെന്നാണ് അത് സംഭവിച്ചത്‌. അയാളുടെ അടുത്തിരുന്ന ചെറുപ്പക്കാരന്‍ ഏതോ ബാധ കയറിയതുപോലെ ഉറക്കെ അലറി. 'ആാാാാാാാാാാാാാാ', ആ മനുഷ്യന്‍ തൊണ്ടപൊട്ടുംവിധം അലറിക്കൊണ്ടിരുന്നു. വര്‍ഷങ്ങളായി നെഞ്ചിന്‍കൂടെന്ന തടവറയില്‍ പുറംലോകം കാണാതെ കിടന്ന ശബ്ദകണങ്ങള്‍ സ്വാതന്ത്ര്യം കിട്ടിയ ആവേശത്തിലെന്നപോലെ പുറത്തേയ്ക്ക് കുതിച്ചു. ആ യുവാവ് വീണ്ടും വീണ്ടും അലറി, 'ആാാാാാാാാാാാാാാ'.

എല്ലാവരും ആ ചെറുപ്പക്കാരനെ നോക്കുന്നുണ്ടായിരുന്നു. എന്തിനായിരിക്കും അവന്‍ അലറുന്നത്! എന്തെങ്കിലും കഠിനമായ വേദന അവനെ ശല്യപ്പെടുത്തുന്നുണ്ടോ? അതോ മനസ്സിന്റെ ഉള്ളില്‍ എവിടെയോ കുഴിച്ചുമൂടിയ ഏതോ വേദനിപ്പിക്കുന്ന ഓര്‍മ്മകള്‍ അവനെ പെട്ടെന്ന് അലോസരപ്പെടുത്തിയോ? ആര്‍ക്കും ഒരു നിഗമനത്തിലെത്താന്‍ കഴിഞ്ഞില്ല. പലരും പതിഞ്ഞ ശബ്ദത്തില്‍ മുറുമുറുക്കുന്നുണ്ടായിരുന്നു. ചിലര്‍ ഡ്രൈവറോട് ബസ്സ്‌ നിര്‍ത്താന്‍ പറഞ്ഞു. ഇതൊന്നും വകവെയ്ക്കാതെ ആ മനുഷ്യന്‍ അലറിക്കൊണ്ടിരുന്നു.

അതിനിടയില്‍ മറ്റൊരു അലര്‍ച്ച എല്ലാവരുടെയും കാതുകളില്‍ മുഴങ്ങി. മുന്‍പിലത്തെ ഒരു സീറ്റില്‍ ഇരുന്ന ഒരു മധ്യവയസ്കയായിരുന്നു അത്. തന്റെ ശബ്ദത്തിന്റെ പരമാവധി ഉപയോഗിച്ചുകൊണ്ട് അവരും ഉറക്കെ അലറി. അവരുടെ കണ്ണുകളില്‍നിന്ന് വരണ്ട കണ്ണുനീര്‍ ഒഴുകുന്നുണ്ടായിരുന്നു. ഭ്രാന്തുപിടിച്ചതുപോലെ അവര്‍ അവരുടെ തല മുന്നിലത്തെ സീറ്റില്‍ ഇടിക്കുന്നുണ്ടായിരുന്നു. മറ്റൊരു ചെറുപ്പക്കാരിയും, രണ്ട് സ്കൂള്‍ വിദ്യാര്‍ഥികളും ഒട്ടും വൈകാതെതന്നെ അലറുന്നവരുടെ കൂട്ടത്തില്‍ കൂടി.

അല്‍പസമയത്തിനുള്ളില്‍ ആ ബസ്സിലുള്ള ഒട്ടുമിക്കവരും അലറാന്‍ തുടങ്ങിയിരുന്നു. ചെറുതും വലുതുമായ ഒട്ടേറെ അലര്‍ച്ചകള്‍ ആ ബസ്സില്‍ മുഴങ്ങി. സ്വന്തം ബാഗുകളും മൊബൈല്‍ ഫോണുകളും നിലത്തേക്ക് വലിച്ചെറിഞ്ഞും, അവ താഴെയിട്ട് ചവിട്ടിയും, അവര്‍ അലറിക്കൊണ്ടിരുന്നു. ആരോടൊക്കെയോ ഉള്ള പകയും, വിദ്വേഷവും, പരിഭവവും എല്ലാം സ്വയം തീര്‍ക്കുന്നപോലെ അവര്‍ അലറി. ബസ്സിലെ കണ്ടക്ടര്‍ പോലും സ്വന്തം മുടി വലിച്ചുപറിക്കാന്‍ ശ്രമിച്ചുകൊണ്ട് വീണ്ടും വീണ്ടും അലറിക്കൊണ്ടിരുന്നു.

അയാള്‍ക്ക്‌ തലകറങ്ങുന്നതുപോലെ തോന്നി. ചുറ്റിലും നോക്കിയ അയാള്‍ക്ക്‌ മറ്റൊന്നും കാണാന്‍ സാധിച്ചില്ല. കണ്മുന്നില്‍ കറങ്ങിക്കൊണ്ടിരിക്കുന്ന ഒരു ചുഴി, അത് വലുതായി വരികയും, തന്നെ അതിലേക്ക് വലിച്ചെടുക്കുകയും ചെയ്യുന്നതുപോലെ അയാള്‍ക്ക്‌ തോന്നി.

കണ്ണുകള്‍ ഇറുക്കിയടച്ചുകൊണ്ട്, കൈകള്‍ മുറുകെപ്പിടിച്ചുകൊണ്ട്‌,അയാളും അലറി, ആാാാാാാാാാാാാാാാാാാാാ'


നിങ്ങള്‍ക്കും തോന്നിയിട്ടില്ലേ പലപ്പോഴും, ഒന്നലറാന്‍?? ഉച്ചത്തില്‍ , ശ്വാസം മുട്ടും വരെ, ഒന്നലറാന്‍??