വിജയ്‌ ആന്റണി നായകനായി അഭിനയിച്ച മൂന്നാമത്തെ ചിത്രമാണ് ഇന്ത്യാ പാക്കിസ്ഥാന്‍. നവാഗതനായ എന്‍. ആനന്ദ് സംവിധാനം ചെയ്ത ചിത്രത്തില്‍ സുഷമാ രാജ്, എം.എസ് ഭാസ്കര്‍, പശുപതി, ജഗന്‍ തുടങ്ങിയവര്‍ പ്രധാനവേഷങ്ങളില്‍ എത്തിയിരിക്കുന്നു. വിജയ്‌ ആന്റണിയുടെ നാന്‍, സലിം എന്നീ രണ്ടുത്രില്ലര്‍ ചിത്രങ്ങള്‍ക്കുശേഷം കുറച്ചുകൂടെ കോമഡി കലര്‍ന്ന ഒരു ചിത്രമാണ് ഇന്ത്യാ പാക്കിസ്ഥാന്‍.
ഒരേ സ്ഥലത്ത് ഓഫീസ് ഷെയര്‍ ചെയ്യുന്ന രണ്ട് advocates(നായികാനായകന്മാര്‍) തമ്മിലുള്ള വഴക്കുകളും അവര്‍ക്ക് ഒരു കേസ് ലഭിക്കുന്നതിനെത്തുടര്‍ന്നുണ്ടാവുന്ന സംഭവങ്ങളും മറ്റുമാണ് ചിത്രത്തിലുള്ളത്. പ്രത്യേകിച്ച് extraordinary ആയ രംഗങ്ങളോ ട്വിസ്റ്റുകളോ ഒന്നുമില്ലാതെ അവസാനം വരെ പോവുന്ന ചിത്രത്തില്‍ മികച്ചുനില്‍ക്കുന്നത് പശുപതി, എം.എസ് ഭാസ്കര്‍, മനോബല, ജഗന്‍ തുടങ്ങിയവരുടെ കോമഡി രംഗങ്ങള്‍ തന്നെയാണ്. പല രംഗങ്ങളും തകര്‍ത്തുവാരുക ആയിരുന്നു. നായകന്‍ വിജയ്‌ ആന്റണി ആണെങ്കിലും കൂടുതല്‍ തമാശരംഗങ്ങളിലും ഇവരാണ് നന്നായി സ്കോര്‍ ചെയ്തത്. ഇത്രയും experienced ആയ comediansന്റെ അത്രയ്ക്ക് ചെയ്യാനായില്ലെങ്കിലും തന്റെ വേഷം വിജയ്‌ ആന്റണി നല്ല രീതിയില്‍ത്തന്നെ ചെയ്തിട്ടുണ്ട്. തമിഴ് ചാനലുകളില്‍ ഇനി കുറച്ചുകാലം വരാന്‍ പോവുന്ന കോമഡി സീന്‍സില്‍ ഈ ചിത്രത്തിലെ പല സീനുകളും ഉണ്ടാവും എന്നകാര്യം ഉറപ്പാണ്. ക്ലൈമാക്സ് ഒക്കെ സ്ഥിരം ഗോഡൌണ്‍ സെറ്റപ്പ് ആണെങ്കിലും ചെറിയ വ്യത്യസ്തകള്‍ കണ്ടുവന്നത് രസകരമായി.
സംവിധാനവും മറ്റും മോശമായില്ല. സാധാരണ ഒരു തമിഴ് സിനിമയുടെ ലെവലില്‍ ഒക്കെ ഉണ്ടായിരുന്നു. മറ്റൊരു പ്രത്യേകത ശ്രദ്ധിച്ചത് വിജയ്‌ ആന്റണി ഒരു സംഗീതസംവിധായകനായിട്ടും അദ്ദേഹത്തിന്റെ അസിസ്റ്റന്റ്‌ ആയിരുന്ന ദീനാ ദേവരാജന്‍ ആണ് ഈ ചിത്രത്തിന്റെ ഗാനങ്ങള്‍ ഒരുക്കിയിരിക്കുന്നത്. ഗാനങ്ങള്‍ ശരാശരി നിലവാരം പുലര്‍ത്തി.
ആദ്യരണ്ടുചിത്രങ്ങളിലെ സലീമിന്റെ സൈക്കോ പരിവേഷം അഴിച്ചുവെച്ച്‌ സാധാരണ കുടുംബപ്രേക്ഷകര്‍ക്ക് കൂടുതല്‍ ഇഷ്ടമാവുന്ന തരത്തിലുള്ള ഒരു സിനിമയിലെ കുറച്ചുകൂടെ likeable ആയ കഥാപാത്രത്തെ സ്വീകരിച്ച വിജയ്‌ ആന്റണിയുടെ നീക്കം പ്രശംസനീയമാണ്. തമിഴ് പ്രേക്ഷകര്‍ക്കിടയില്‍ അദ്ദേഹത്തിന്റെ സ്വീകാര്യത ഒരുപക്ഷേ ഈ ചിത്രത്തിനുശേഷം ഏറിയേക്കാം. ഭയങ്കരമായ അഭിനയം ഒന്നുമില്ലെങ്കിലും എന്തോ ഒരു രസമാണ് അങ്ങേരെ സ്ക്രീനില്‍ കാണാന്‍. വിജയ്‌ ആന്റണിക്ക് ഇനിയും നല്ല വേഷങ്ങള്‍ കിട്ടട്ടെ എന്ന് ആശംസിക്കാം. സൂപ്പര്‍ മാസും സ്റ്റണ്ടും ഒന്നും ഇല്ലാത്ത സാധാരണ തമിഴ് പടങ്ങള്‍ കാണാന്‍ ഇഷ്ടപ്പെടുന്നവര്‍ കണ്ടുനോക്കൂ ചിലപ്പോള്‍ ഇഷ്ടമായേക്കാം.
No comments:
Post a Comment